Kompania e telekomunikacionit IPKO i’u është bashkuar fushtës “Të gjithë kundër kancerit” duke i dhuruar Qendrës së Mjekësisë Familjare “Dr Fatmir Krasniqi” në Fushë Kosovë një ekografi të sofistikuar i cili mundëson zbulimin e hershëm të kancerit.
“Në Ditën Ndërkombëtare të Kancerit, IPKO shënon këtë datë duke i dhuruar Qendrës Kryesore për mjekësi familjare(QKMF) në komunën e Fushë Kosovës, një sistem të sofistikuar të ultrazërit “Versana Essential Advanced Version” me dy sonda – atë konvekse dhe lineare nga prodhuesi General Electric Healthcare, i cili mund të parandaloj dhe zbuloj kancerin në fazat e hershme dhe i cili mund të jetë jetik në shpëtimin e jetës.” thuhet në komunikatën e operatorit IPKO në facebook.
“Kontributet e IPKO-së synojnë gjithashtu të mbështesin institucionet në përpjekjet e tyre për të ofruar kujdes më të mirë për pacientët me kancer dhe familjet e tyre.” thuhet tutje në këtë komunikatë.
