Një moment tensioni mes opinionistit Milaim Zeka dhe moderatores Jonida Vokshi ka shënuar një nga episodet më të diskutuara të prime-it të radhës në Big Brother VIP Kosova. Gjatë një diskutimi në studio, Zeka po shpjegonte se rrjetet e tij sociale menaxhohen nga një ekip tjetër, për shkak të volumit të madh të ndjekësve dhe angazhimeve të tij profesionale.
Megjithatë, Jonida Vokshi ndërhyri për t’i dhënë mendë Zekës mbi mënyrën e menaxhimit të rrjeteve sociale dhe se kush duhet të jetë përgjegjës për to. Ndërhyrja e saj, e cila u perceptua nga Zeka si një përpjekje për t’i mësuar atë, shkaktoi një moment tensioni në studio, duke sjellë një përplasje verbale mes tyre.
Një tjetër detaj që ka tërhequr vëmendjen e publikut ishte fakti se, në fillim të prime-it, Zeka u vu disa herë në shënjestër të sulmeve nga moderatorët, të cilat mund të konsiderohen si përpjekje për ta ofenduar, gjersa në publik dëgjoheshin thirrjet “Zeka, Zeka” në shenjë përkrahje ndaj Milaim Zekës.
