176
Komuna e Fushë-Kosovës ka njoftuar qytetarët se rruga “Hajrullah Zymi” do të jetë e bllokuar nesër, më 17 dhjetor 2024, nga ora 08:00 deri në ora 18:00. Bllokimi i rrugës është i nevojshëm për përfundimin e punimeve dhe vendosjen e sinjalizimit rrugor.
Në njoftim, Komuna ka bërë thirrje për përdorimin e rrugëve alternative gjatë kësaj periudhe dhe ka falënderuar qytetarët për mirëkuptimin e tyre.
Ky intervenim ka për qëllim përmirësimin e sigurisë dhe lehtësimin e qarkullimit në këtë zonë, duke kontribuar në infrastrukturën më të mirë për qytetarët.
