139
Prokuroria Speciale e Kosovës do të dërgojë një tjetër ftesë për kryeministrin e Kosovës, Albin Kurti, që të dëshmojë lidhur me rastin e rezervave shtetërore.
Zëdhënësja e Prokurorisë, Liridonë Kozmaqi, deklaroi se institucioni ka marrë njoftim nga kabineti i kryeministrit se ai ndodhet jashtë vendit dhe nuk mund të paraqitet.
“Prokuroria është informuar nga kabineti i kryeministrit se z. Kurti është në udhëtim jashtë vendit dhe nuk ka mundësi të paraqitet sot,” u shpreh Kozmaqi.
Ajo theksoi se, bazuar në ligjin në fuqi, Prokuroria do të hartojë një ftesë tjetër për një datë të re, duke i dhënë mundësi kryeministrit të dëshmojë.
