Irani tha më 5 shkurt se ka nisur ndërtimin e një reaktori të ri kërkimor bërthamor në Isfahan, disa ditë pasi njoftoi e po ndërtonte një uzinë bërthamore në jug.
“Sot, ndërtimi i reaktorit nisi në Isfahan”, tha Mohammad Eslami, kreu i Organizatës për Energji Bërthamore të Iranit, sipas agjencisë shtetërore të lajmeve IRNA.
Në qendrën kërkimore bërthamore në Isfahan – qytet në Iranin qëndron – tashmë gjenden tre reaktorë. Reaktori i ri prej 10 megavatësh po ndërtohet për të krijuar për të ndërtuar një burim të fuqishëm neutron, tha IRNA.
Ky reaktor do të përdoret për gjëra të ndryshme, sikurse testimet e karburanteve dhe materialeve bërthamore dhe prodhimin e radioizotopeve industriale dhe radifarmaceutikëve, tha IRNA.
Teherani është nën sanksione të Shteteve të Bashkuara që nga viti 2018, kur presidenti i atëhershëm amerikan, Donald Trump, tërhoqi shtetin e tij nga marrëveshja bërthamore që i mundësonte Iranit lehtësim të sanksioneve në këmbim të frenimit të aktivitetit të tij bërthamor, të dizajnuara për të parandaluar Republikën Islamike që të zhvillojë koka bërthamore.
Irani vazhdimisht ka mohuar se ka ambicie që të ketë armë me aftësi bërthamore, duke insistuar se aktivitetet e tij kanë qëllime krejtësisht paqësore.
Në janar, drejtori i përgjithshëm i Agjencisë për Energji Bërthamore të Kombeve të Bashkuara, Rafael Grossi, u ankua se Irani po “kufizon” bashkëpunimin me agjencinë dhe tha se situata bërthamore në Iran ishte “frustruese”.
Javën e kaluar, Eslami njoftoi për ndërtimin e një centrali bërthamor në Sirik, në Ngushticën e Hormuzit, që do të përbëhet nga katër centrale individuale me një kapacitet prodhimi prej 5.000 megavatësh.
Ky central në Sirik pritet të jetë funksional më 2031. Aktualisht, Irani ka një central bërthamor funksional në Busher, me kapacitet prodhimi prej 3.000 megavatësh. /REL
