Pas një periudhe të zgjatur me mot të butë që ka mbretëruar në Kosovë, Departamenti Meteorologjik i Agjencisë së Shërbimit të Navigacionit Ajror të Kosovës paralajmëron një ndryshim të papritur të motit. Duke filluar nga e hëna, vendi pritet të përjetojë mot dimëror me temperatura të ulëta dhe reshje bore, një kthesë e vërtetë nga temperaturat pranverore që u shënuan kohët e fundit.
Ky ndryshim i befasishëm i motit, i parashikuar qysh në fund të gushtit të vitit të kaluar, vjen si rezultat i një devijimi stratosferik që tashmë ka ndodhur. Ky fenomen ka prekur vendet nordike me temperatura ekstreme deri në -43°C dhe tani është duke u zgjeruar edhe në gadishullin Ballkanik.
Prishtinë dhe zonat përreth pritet të përballen me shtresa bore të cekëta. Temperaturat minimale do të zbresin deri në -08°C, ndërsa ato maksimale nuk pritet të kalojnë -1°C. Gjithashtu, erërat e furishme veri-verilindore, me shpejtësi deri në 20m/s, do të rrisin ndjeshëm ndjesinë e acarit, duke sjellë sfida të mëdha për qytetarët në zhvillimin e aktiviteteve të tyre të përditshme.
Postimi i ASHNA:
