Shoqata austriake “Allianz für Kinder” do të ofrojë kontrolle falas për fëmijët e moshave 0-13 vjeç këtë të Premte, më 4 tetor 2024, në Shtëpinë e Shëndetit në Fushë Kosovë, pranë Komunës së re. Ekipi i mjekëve do të fillojë ekzaminimet nga ora 13:00, duke ofruar diagnostikim për probleme kardiake, urologjike, ortopedike dhe kirurgjike.
Rasti është një mundësi e mirë për prindërit që të kontrollojnë shëndetin e fëmijëve të tyre, me fokus të veçantë tek anomalitë në këto fusha. Organizatorët njoftojnë se sëmundjet shpirtërore, ngecjet në zhvillim dhe paralizat nuk janë pjesë e kontrollave.
Për më shumë informacione mund të kontaktoni në numrin: 044 801 900 (Rrahim Jupolli).
Shoqata “Allianz für Kinder” vazhdon të kontribuojë me përkushtim në përmirësimin e shëndetit të fëmijëve përmes nismave të tilla në rajon.
